မြန်မာနိုင်ငံပုဂ္ဂလိကသက်မွေးပညာအသင်း Myanmar Private TVET Association (MPTA) မှ ကြီးမှူး၍ “Connect Career Development: Resources and Counselling Launch” အခမ်းအနားကို ၂၀၂၅ ခုနှစ်၊ စက်တင်ဘာလ ၂၁ ရက်နေ့ (တနင်္ဂနွေနေ့) တွင် Summit Parkview Hotel ၌ မနက် ၉း၀၀နာရီမှ နေ့လည် ၁၂း၀၀ နာရီ အထိ အောက်ပါအစီအစဉ်များအတိုင်း အောင်မြင်စွာ ကျင်းပခဲ့ပါသည်။

MPTA ၏ ဥက္ကဋ္ဌဖြစ်သူ ဦးအေးမင်းမင်းမှ အဖွင့်အမှာစကားပြောကြားခဲ့ပါသည်။ ဦးသက်ဝင်းထွန်း Project Manager – GIZ မှ အမှာစကားပြောကြားခဲ့ပါသည်။ ဒေါ်ယဉ်ယဉ်အေး Project Co-Leader, MPTA မှ “The Project Journey: Collaboration & Vision” ခေါင်းစဉ်ဖြင့် စီမံကိန်း၏ ပူးပေါင်းဆောင်ရွက်ခဲ့မှုများနှင့် ရလဒ်များအကြောင်းရှင်းလင်းတင်ပြခဲ့ပါသည်။ ဆရာထွန်းလွင်ဦး မှ “Occupational Self-Assessment Application and Career Guidance Manual” နှင့် ပတ်သက်သော အကြောင်းအရာများကို ဝေမျှဆွေးနွေးပေးခဲ့ပါသည်။ MPTA ၏ ဒုတိယဥက္ကဋ္ဌ ဒေါ်သွေးသွေးမောင် မှ MPTA’s Vision for a Sustainable Future: Implementing Nationwide Career Development” ခေါင်းစဉ်ဖြင့် Career Development အတွက် ရှေ့ဆက်လုပ်ဆောင်သွားမည့် MPTA ၏ ရည်မှန်းချက် နှင့် လုပ်ငန်းစဉ်များကို တင်ပြဆွေးနွေးခဲ့ပါတယ်။ လူငယ်လူရွယ်များ မိမိတို့​ရွေးချယ်မည့် အသက်မွေးဝမ်းကျောင်းသည် မိမိတို့နှင့် ကိုက်ညီမှုရှိရန်အတွက် Occupational Self-Assessment (OSA) App အသုံးပြုမှုနှင့် career counselling ဝန်​ဆောင်မှုများ နိုင်ငံအနှံ့အပြားတွင် ရရှိလာအောင် MPTA အဖွဲ့ဝင်များ၊ မိတ်ဖက်အဖွဲ့အစည်းများနှင့် အလှူရှင်များ ပူးပေါင်းဆောင်ရွက်ကြရန်ဖိတ်ခေါ်ခဲ့ပါသည်။

ယခု လောလောဆယ်တွင် Career Counsellor ဦးရေ ၂၀ ကျော်မွေးထုတ်ထားပြီး OSA App အသုံးပြုသူ ၁၆၀၀ ကျော် ရှိနေပြီး ဖြစ်ကြောင်း၊ မိမိအတွက်သင့်​တော်​သော အသက်မွေးဝမ်းကျောင်းဆိုင်ရာများကို သိရှိလိုသူ မည်သူမဆို MPTA ၏ website ဖြစ်​သော www.mptvet.org တွင် အခမဲ့ ဝင်ရောက် စစ်ဆေးလို့ ရပါကြောင်း ပြောကြားခဲ့ပါသည်။
ထို့အပြင် Career Counsellor တစ်ဦး၏အတွေ့အကြုံနှင့် သဘောထားအမြင်များကို ဒေါ်​ဝေ​​ဝေတင့် (Co Founder, FEG Vocational College) မှ မျှဝေပေးခဲ့ပါသည်။

တက်​ရောက်လာသူများကလည်း ​မေးခွန်းများ​မေးမြန်းခြင်း အကြံပြုချက်များ ​ပြောကြားခြင်းဖြင့် စိတ်ဝင်တစား ​ပါဝင်ဆွေး​နွေးခဲ့ကြပါသည်။ အဆိုပါ အခမ်းအနားသို့ MPTA’s Partner Organizations များမှ ကိုယ်စားလှယ်များနှင့် ရန်ကုန်မြို့ရှိ MPTA အသင်းဝင် ဆရာ၊ ဆရာမများ၊ MPTA မှ ​လေ့ကျင့် သင်ကြား​ပေးခဲ့​သော Career Counsellor များ တက်ရောက်ခဲ့ကြပြီး နယ်များမှ MPTA အသင်းဝင်များကလည်း Zoom အွန်လိုင်းမှတစ်ဆင့် ပါဝင်တက်ရောက်ခဲ့ကြပါသည်။